Dhongeng Momon



Momon

Pak Sukijan nduwe kethek sing ditemu ing alas nalika dheweke lagi mlaku liwat alas. Anakan kethek iku katut banyu kali. Critane kaya mangkene kenapa kethek nganti arep kenter. Wektu kuwi Pak sukijan mlaku kanthi ndeleng-ndeleng wit-witan sing ijo royo-royo. Dumadakan Pak Sukijan krungu ana swara kethek. Aukk.. hepp.. Aukk..
“Swarane kaya saka kali” banjur nginguk menyang kali sing ora adoh saka panggone.
Panyawange banjur tinuju marang anake kethek sing kenter banyu. Age-age dheweke ngulungake kayu dawa. Kayu kuwi dilungake menyang kethek banjur. Kethek katulungan dening pak Sukijan. Nanging sajake wis akeh banyu sing komben ing wetenge kethek. Ndadekake kethek kuwi ora sabar. Pak Sukijan nggawa kethek iku menyang omahe.
            Ing omah Bu Sukijan nesu-nesu.
            “Pak, hla jare sampeyan iki arep nggolekna iwak kanggo lawuh mangan njur ngendi ta Pak” kandhane Bu Sukijan.
            “Sepurane Bukne aku ora sida golek iwak iki mau”  wangsulane Pak Sukijan.
            “Hla iku apa Pak sing kok gawa. Heleh.. heleh... ora sida golek iwak ndadak malah nggawa kethek alas. Njur kanggo apa ta Pakne?”
            “Ngene hlo Bukne. Iki mau aku nemu kethek sing arep kenter banyu. Mesakake banjur takgawa mulih.”
            “Banjur arep kokingu neng kene? Alah-alah Pak nyukupi anak bojo wae durung karuan kok ndadak ditambahi ngingu kethek alas.”
            “Walah Bu, sampeyan iki tulung tinulung iku lak ora mung kudu sapadha manungsa nanging kabeh pangriptane Gusti”
Bu Sukijan mung meneng.
            Kethek iku dirumat Pak Sukijan. Nganti gedhe. Saben aneng ngendi wae kethek sing diwenei jeneng Simon iku mesthi melu. Nganti nate sawijining dina Pak Sukijan kepilut utang lan age-age kudu dibayar. Pak Sukijan bingung pikire.
            “Pak...”
            “Apa ta Bu”
            “Kepriye yen kethek iki didol wae Pak?”
            “Aja. Mesakake mengko yen kena tangane wong sing ora apik”.
            “Hla banjur kepriye ta Pak?” pitakone Bu Sukijan saya sedhih.
            “Sik.. sik.. Buk delengen kae si Momon”
            Disawang-sawang tingkahe si Momon iki kaya manungsa. Si Momon sing ngrumangsani dideleng Pak Sukijan banjur meneng. Pak Sukijan rumangsa aneh. Mula dheweke banjur marani. Dumadakan bener si Momon bisa ngomong kayadene manungsa.
“Pak Sukijan. Aku njaluk sepura amarga wis ngrepoti. Aku kerep ngerti kowe kerep tukar padu karo bojomu amarga aku.” Kandhane si Momon
Pak Sukijan kaget ngerti kahanan kanthi ngucek-ngucek mripate ora percaya.
“Sa... sapa sejatike kowe iki?”
“Aku sejatine dewa, amarga kabecikanmu mula tak wenehi iki kanggo kowe.”
“M .. ma.. tur nuwun” mung tembung iku sing bisa kaucap dening Pak Sukijan.
Banjur dewa sing wujud kethek iku ilang. (mou_)

Komentar

Posting Komentar

Postingan populer dari blog ini

Apresiasi Geguritan - PEPELING KABECIKAN SAJRONE GEGURITAN RUMANGSAKU ANGGITANE ROEWANDI

P EPELING KABECIKAN SAJRONE GEGURITAN RUMANGSAKU ANGGITANE ROEWANDI D en i ng: RATNA YULIA DAMAYANTI     13020114011 ARISKA HARIYANI                       13020114019 2013 A A. Purwaka Puisi minangka salah sawijining karya sastra. Wujude akeh banget.Miturut periodesasine geguritan kalebu karya sastra modern. Miturut Winoto (2010, 44-46) ngandharake tembung geguritan asale saka tembung lingga “gurit” kang nduweni teges tulis, gambar, nyanyian. Kayata wujud karya sastra liyane, miturut Waluyo (2005:1) geguritan uga nduweni titikan-titik a n khusus. Umume sajrone geguritan iku pangripta ngandharake panemu awujud ukara kang cekak-cekak sarta padhet kang tinulis sajrone pada-pada. Kadhang kala sajrone geguritan iku ana tembung utawa ukara kang asipat konotatif lan nduweni lelewaning basa kang bisa narik kawigaten pamaca. Anggone ngripta g...
Baca selengkapnya

Tugas Teks Dheskriptif.

Gambar
Asil Tugas Teks Dheskriptif. Lidah Buaya Dening: Sa’adatut Darroini (7C) SMP Negeri 38 Surabaya Lidah Buaya salah siji jinis tanduran sing ana ing SMP Negeri 38 Surabaya. Lidah buaya iki nduweni jeneng liya yaiku aloe vera . Tanduran iki nduwe akeh paedah. Kejaba nduweni paedah, akeh uga jinis-jinise tanduran iki. Bageyan-bageyan saka tanduran lidah buaya iki ana awak sing nduweni eri lan oyot. Lidah buaya iki ora nduwe godhong. Nanging ana ing pinggir awake ana erine minangka njaga awake. Njero awake ana daging kenyel-kenyel. Tanduran lidah buaya iki nduweni akeh paedah. Kanggo ngirengna rambut, kanggo ngalusake kulit, lan sapanunggale. Lidah buaya iki bisa diolah dadi jelly utawa nata de coco . Lidah buaya yen diolah dadi panganan bisa dadi nyehatake awak.
Baca selengkapnya

Geguritan Bocah

  Takbiran Allahuakbar... Allahuakbar Allahuakbar... Allahuakbar Allahuakbar... swara bocah-bocah padha takbiran wengi kuwi dadi wengi kang nyenengake geneya?? ya amarga aku bisa ngumandhangna takbir takbiran karo kanca-kanca ngubengi desa Allahuakbar... Allahuakbar.... Sesuk wis riyaya Ayo padha ngucap sepura   Ngilmu Ngilmu ora rupa wujuding mung laku, uripmu santosa wis dadi senenge ati lelakon kang ala aja tumindakna.   Sepedha biru Dina minggu aku mlaku-mlaku karo bapak menyang kutha ora nyangka mampir ing toko sepedha sepedha biru kapenginanku setir biru pedhal biru sedhel ireng jan endah disawang   Padhang bulan Daksawang ing angkasa Rembulane bunder Endah sumorote Padhang nyorot ing jagad Dikancani lintang-lintang Krelap-krelip cilik-cilik Maha agung sang pangripta.     Eling Elinga dhawuhe guru marang murid Pitutur kang apik Dadia murid kang becik Uri...
Baca selengkapnya